അവിഹിതബന്ധം, കാമുകന്റെ ഭാര്യയോട് പ്രതികാരം; മൂന്ന് വയസ്സുള്ള മകനെ യുവതി കൊന്നു
കൃത്യം നിര്വ്വഹിച്ച ശേഷം ഒന്നുമറിയാത്തപോലെ നാട്ടുകാര്ക്കൊപ്പം പയ്യനെ തെരഞ്ഞു നടന്ന സുമതിയെ പോലീസ് ചോദ്യം ചെയ്തപ്പോഴാണ് വിവരം പുറത്ത് വന്നത്. വെളളിയാഴ്ച ഉച്ചയ്ക്ക് ശേഷമാണ് ദിനേശിനെ കാണാതായത്. ഇതേ തുടര്ന്ന് മുരളി പോലീസില് പരാതി നല്കുകയും ചെയ്തിരുന്നു. സംഭവവുമായി ബന്ധപ്പെട്ട് ചെറിയ തെളിവിന്റെ അടിസ്ഥാനത്തില് പോലീസ് ഇന്സ്പെക്ടര് രാമചന്ദ്രന് സുമതിയെ നടത്തിയ ചോദ്യം ചെയ്യലിലാണ് വിവരം പുറത്ത് വന്നത്.
പിന്നീട് നടന്ന പരിശോധനയില് അലമാരയില് നിന്നും പയ്യന്റെ മൃതദേഹം പോലീസ് കണ്ടെടുത്തു. രണ്ടു മക്കളുടെ മാതാവും പെയ്ന്റിംഗ് തൊഴിലാളിയായ പ്രഭുവിന്റെ ഭാര്യയുമായ സുമതിക്ക് മുരളിയുമായി രഹസ്യബന്ധമുണ്ടെന്ന് പറഞ്ഞ് മുരളിയുടെ ഭാര്യ പല തവണ സുമതിയെ പരസ്യമായി അപമാനിച്ചിട്ടുണ്ട്. ആറു മാസങ്ങള്ക്ക് മുമ്പ് ഈ ബന്ധം അവസാനിപ്പിച്ചിട്ടും സുമതിയെ മുരളിയുടെ ഭാര്യ പിന്നെയും അപമാനിക്കുന്നത് തുടര്ന്നതോടെ ഇവരുടെ മകനെ കൊലപ്പെടുത്തി പ്രതികാരം ചെയ്യാന് സുമതി തീരുമാനിക്കുകയായിരുന്നു.
വെള്ളിയാഴ്ച ദിനേശിനെ വീട്ടിലേക്ക് വിളിച്ചുവരുത്തിയ ശേഷം കാലുകള് കൂട്ടിക്കെട്ടി വായില് തുണി തിരുകിയ ശേഷം തലയിണ കൊണ്ട് ശ്വാസം മുട്ടിച്ച് കൊല്ലുകയായിരുന്നു. പിന്നീട് കൃത്യം നടത്തിയ സ്ഥലത്ത് പോലീസ് നായയ്ക്ക് മണം പിടിക്കാതിരിക്കാനായി മുളക്പൊടി വിതറുകയും ചെയ്തു. മൃതദേഹം ഒളിപ്പിച്ച ശേഷം എല്ലാര്ക്കുമൊപ്പം പയ്യനെ തെരയാന് പങ്കാളിയാകുകയും ചെയ്തു. മുരളിയുമായി തനിക്ക് രഹസ്യബന്ധം ഉണ്ടായിരുന്നതായി സുമതി സമ്മതിച്ചിട്ടുണ്ട്.
അഭിപ്രായങ്ങളൊന്നുമില്ല
ഒരു അഭിപ്രായം പോസ്റ്റ് ചെയ്യൂ